Vistorka á Akureyri hefur í nokkur ár boðið hópum upp á skoðunarferðir sem byggir á sjálfbærri nýtingu orkuauðlinda. Í ferðinni er m.a. komið við í Orkey sem framleiðir lífdísil úr notaðri steikingarolíu og dýrafitu, farið í metanstöð Norðurorku sem framleiðir metan úr hauggasi úr gömlum sorphaugum í Glerárdag ásamt því að skoða Glerárvirkjanir sem framleiða rafmagn með vatnsafli úr Glerá sem rennur í gegnum Akureyri. Ferðin teygir sig inn Eyjafjörðinn þar sem farið er að Laugalandi og skoðað heitavatnsholur auk þess sem komið er við í jarðgerðarstöðinni Moltu ehf.

Töluverður áhugi, meðal tiltekins hóps ferðamanna og nemendahópa á að taka þátt í slíkum ferðum.

Græni túrinn – Akureyri og Eyjafjörður

Áfangastaðir sem byggja á sjálfbærni og samspili manns og náttúru höfða til ákveðins hóps ferðamanna. Mögulegir viðkomustaðir í Græna túrnum eru:

• Orkey lífdísilframleiðsla
• Metanstöð Norðurorku
• Glerárvirkjanir I og II- vatnsaflsvirkjanir
• Flokkunarstöð Akureyrar
• Kalda vatnið í Hlíðafjalli
• Molta jarðgerðarstöð
• Laugaland/Hjalteyri – heitavatnsholur
• Vaðlaheiðargöng- nýting heita og kalda vatnsins sem fannst við gerð ganganna